من شوية على يوتيوب شفت فيديو غريب شوية بيقول فيه ابراهيم عيسى إن: “عمرو أديب مصدر من مصادر الدخل القومي”..!، ولإن ابراهيم عارف إن تصريحه مستفز، كمّله بتصريح أكثر استفزازًا، قال: “واللي يزعل يطق”.
يعني ابراهيم عارف كويس إن تصريحه يزعّل، بس من امتى ابراهيم مهتم بزعل حد، هي دي عادته، ولا حيشتريها.. اللي يزعل يطق، أهم حاجة مصلحته فين.
الحكاية ببساطة وعلى حسب فهمي ومعلوماتي، إن إبراهيم عيسى بلوك من زمان في السعودية، ممنوع من الظهور في فضائياتها، كتبه ممنوعة من هناك، وجرايده كمان، قال لك الحل فين؟
الحل عند عمرو أديب، ابراهيم عارف العلاقة بين ترك آل شيخ، وعمرو أديب، طب يبدأ من فين؟ يبدأ من عمرو أديب، يغازل عمرو أديب الأول، وبعدها عمرو يقوم بالواجب.
خليكوا فاكرين الكلام ده كويس، عمرو أديب حياخد ابراهيم عيسى من ايده لتركي آل شيخ.
