قال الرئيس عبد الفتاح السيسي، إن قناة السويس حققت إيرادات رغم الركود الذي يشهده العالم، مؤكدًا أن هناك حملات مغرضة تهدف للتشكيك في الإنجازات التي يتم تحقيقها، وأنه يجب توضيح الحقائق لمواجهة تلك الحملات.
وأضاف السيسي، اليوم، خلال كلمته على هامش تفقده لهيئة قناة السويس بالإسماعيلية، لافتتاح القرية الأولمبية للهيئة: “كمصريين ومفكرين ومثقفين معنيين بمستقبل مصر، افتكروا في 2014 لما أطلقنا حفر القناة الجديدة وحصل نقاش وجدال، هل هذا المشروع كان مهم ونحتاج إليه؟ كنا نتحدث في 68 مليار جنيه، وقيل الدولة بتعمل ايه وتشكيك، باذكر دي عشان الفرصة للي عايز يدافع ويتكلم عن حالة التشكيك في الدولة، المثال أمامكم وواضح لا يحتاج لحديثنا الكثير، لو جبتوا الرقم الي ادفع في الوقت دا للتوسعة هتلاقوا اننا خدنا أكثر منه خلال السنوات الماضية”.
وتابع السيسي: “لو عايزين تتكلموا عن البلد، كأن الدولة دي مش بتفكر وبتشتغل بشكل عشوائي وكأنهم هما بس الي دارسين وعارفين.. يهمنا أن نتحدث عن الحالة التي تحدث مع المصريين، دايما واخدينكم في حتة وباين علينا مش عارفين ندافع عن نفسنا كويس.. هاتوا الكلام الي اتقال في الجرايد والإعلام وعلى مواقع التواصل، مثال حي لأزاي عايزين يأثروا عليكم ويخوفوكم.. كل موضوع بنتكلم فيه له خلفية ولما بنيجي ندافع عنه بندافع مش صح، هاتوا الي اتقال علينا ونعرضه هنا.. دا الي اتقال علينا ودا الي احنا فيه؛ عشان الناس في مصر والمواطن البسيط يفهم إنه مستهدف ليشككوه ويخوفوه”.
