«ما زالت الأمور داخل اتحاد الكرة، ملخبطة في ملف المدرب الجديد للمنتخب» بتلك الكلمات كشف الإعلامي أحمد شوبير ما يدور داخل اتحاد الكرة بخصوص اختيار مدرب جديد للمنتخب وكذلك يوضح ما أثير عن عودة البرتغالي كارلوس كيروش مرة أخرى لتولي قيادة المنتخب الوطني، وخليفة الجنوب إفريقي بيتسو موسيماني في النادي الأهلي.
وأضاف شوبير أن اتحاد الكرة كل شوية يقول مدرب أجنبي، لكن هما نفسهم مش عارفين يحددوا مين، وفاجنر اللي كل شوية يقولوا اسمه، مش هيدرب في مصر، الراجل كلامه واضح ومكمل في أوروبا، مش هييجي مصر لا الأهلي ولا المنتخب، خاصة أننا داخلين على مباريات صعبة في التصفيات، مالاوي وإثيوبيا في مصر، وبعدها غينيا ومالاوي هناك مباراتين هيكونوا في منتهى الصعوبة.
وقال أحمد شوبير في تصريحات إذاعية: خلاص مفيش كيروش ومفيش كوبر، الاتنين مش هيكونوا موجودين مرة أخرى ولازم المنتخب يكسب مباراة خارج أرضه أو تتعادل في واحد منهم، أو تكسب واحد وتتعادل آخر، عشان كده بقول لازم نعلن التعاقد مبكرًا مع المدرب، ويكون معاه طاقة مساعد كويس يكون أمين.
